Pretoria Sakekamer bekommerd oor teenstrydighede in die Tshwane Metroraad se 2025 Eiendomsbelasting waardasierol

Pretoria Sakekamer spreek sy ernstige kommer uit oor die Tshwane Metroraad se onlangse Eiendomsbelasting waardasierol. Terwyl ons in ag neem dat munisipaliteite elke vier jaar eiendomswaardasies moet opdateer soos vereis deur die Wet op Munisipale Eiendomsbelasting, glo ons dat die jongste waardasies 'n kommerwekkende mate van teenstrydighede toon.

Die proses om die waardasierol te hersien moes oorspronklik in 2020 begin het, maar as gevolg van die COVID-19-pandemie en die Metroraad wat onder Artikel 139-administrasie geplaas was, was die proses uitgestel met goedkeuring van die Provinsiale Regering. Gevolglik is eiendomswaardasies nie sedert 2018 formeel opdateer nie, en eiendomseienaars ervaar nou die impak van 'n sewe-jaar gaping in die waardasieproses.

Pretoria Sakekamer is egter bekommerd oor die skynbaar wisselvallige verhogings in eiendomswaardasies.

Terwyl sommige residensiële eiendomme verhogings van ongeveer 10% toon, staar ander skerp stygings van tot 50% en 60% in die gesig. Sulke teenstrydighede weerspieël nie die werklike groei van eiendomswaardes in Pretoria oor die afgelope dekade nie, veral gegewe die swak ekonomiese toestand.

Ons doen 'n beroep op alle eiendomseienaars om hul reg uit te oefen, om die waardasierol na te gaan, en formele besware in te dien indien hulle glo dat hul eiendom oorwaardeer is.

Die beswaarproses is oop tot 2 Mei 2025, en besware moet op die voorgeskrewe wyse ingedien word om as geldig beskou te word. Beswaarvorms kan afgelaai word vanaf die Metroraad se amptelike webblad op https://propertyvaluations.tshwane.gov.za/Downloads of persoonlik afgehaal word by aangewese kliëntedienssentrums.

Alle besware moet voor die sperdatum van 2 Mei 2025 ingedien word.

Pretoria Sakekamer moedig inwonersverenigings en gemeenskapsgroepe aan om hul lede te mobiliseer om aan hierdie kritieke proses deel te neem. Ons vra verder dat eiendomseienaars hul besware, soos ingedien, met ons deel sodat ons alle insette kan konsolideer en tesame by die Stad kan indien.

Pretoria Sakekamer bly daaraan verbind om vir billikheid en deursigtigheid in munisipale prosesse te pleit. Indien die beswaarproses nie die bekommernisse van die sake- en residensiële gemeenskappe bevredigend aanspreek nie, is ons bereid om eiendomseienaars te ondersteun in verdere aksies, insluitend regstappe, indien nodig.

Ons sien daarna uit om konstruktief met die Tshwane Metroraad te handel en te poog dat eiendomsbelasting billik, redelik en werklike markwaardes weerspieël.

Vir verdere inligting of om beswaardokumente met ons te deel, kontak ons kantoor direk by admin@pretoriasake.co.za